Lítur út fyrir að ég sé búin að gleyma því hvernig á að slaka á og taka daginn rólega! Síðan við Kristján byrjuðum í fríi erum við búin að kíkja í húsdýragarðinn, Nauthólsvík, ótal heimsóknir, versla í IKEA og fara í hjólatúra. Að auki er ég búin að fara tvisvar út að hlaupa og KD búin að leika við vini sína úti í garði. (Við erum búin að vera þrjá daga í fríi...). Í dag er stefnan sett á sund, spil og föndur. Helst viljum við bæta við svo sem eins og einni heimsókn, annað hvort bjóða einhverjum hingað eða líta við hjá einhverjum. Vonandi rætist eitthvað úr því. Veðrið er að sjálfsögðu búið að vera yndislegt og við njótum þess út í ystu æsar! En jæja, best að fara að finna til sunddótið