Við Jón Árni erum á leið í Stykkishólm. Ég hlakka mikið til, það verður fínt að komast aðeins út úr bænum. Ástæðan fyrir því að við erum að fara er að Jón Árni ætlar á SUS-þing. Og kæru vinstri-sinnuðu lesendur: ekki örvænta, Jón Árni er ekki genginn í Sjálfstæðisflokkinn og orðinn það sem hann kallar sjálfur íhaldspungur. Hann er að fara til þess að styðja vin sinn sem er formaður Heimdallar. Og við Kristján fáum að fljóta með af því að ég heimtaði það Við gistum hjá afa hans Jóns Árna og ég er viss um að það verður mjög gaman.

Mmmmm, fór í gær og keypti föt. Mér líður svo vel Það þarf svo lítið til þess að skemmta mér. Keypti mér tvær hlýjar peysur og þrjá síðerma boli. Svo gaf Jón Árni mér gallabuxur um daginn svo fataskápurinn lítur bara ágætlega út. Nú vantar mig bara góða skó og kannski einhvern hlýjan jakka. Og mig langar í einhverja svona flotta hippamussu. Þær eru svo flottar svona á haustin. Helst langar mig í dökkbrúna, ég á svakalega lítið af brúnum fötum. Mér finnst líka svona föt sem mann vantar ekki endilega miklu skemmtilegri en föt sem mann bráðvantar. Og já, veturinn alveg á næsta leyti. Veit ekki alveg hvað mér finnst um það. Að hluta til sé ég eftir sumrinu en að hluta til hlakka ég óskaplega mikið til jóla. Ég veit það er ennþá september en ég get ekki að því gert, ég er algjört jólabarn! Ég er að hugsa um að föndra jólakort til þess að senda og ég strax farin að huga að því hvernig við getum skreytt íbúðina. Spurði Jón Árna meira að segja að því um daginn hvort við ætluðum ekki örugglega að hafa jólatré. Svo ætla ég að vera svakalega myndarleg og baka eitthvað. Þetta verður stórskrítið að halda í fyrsta skipti jól annars staðar en heima hjá mömmu og pabba. Við förum nú samt örugglega í mat til foreldra okkar á aðfangadag og það verður áreiðanlega nóg af jólaboðum til þess að fara í en samt...við eigum eftir að vakna heima hjá okkur á jóladagsmorgun og klæða okkur í jólafötin heima hjá okkur og þetta verður allt öðruvísi. Ég veit samt fyrir víst að þessi jól verða æðisleg! Fyrstu jólin hans Kristjáns, fyrstu jólin okkar Jóns Árna saman og Súper-Sissa verður heima! Jibbí!

Það eru ekki sérlega margir flottir litir í boði á þessari heimasíðu. Ég var búin að velja dökkgrátt vegna þess að mér fannst það skásti liturinn (fyrir utan dökkgrænt en ég vildi ekki vera alveg eins og Hrefna). Síðan var ég að spá í svona brúnum og gulum, en sá litur minnir mig einum of mikið á bleyjuinnihald...kannski ég fari bara út í ljósblátt þó að gamla heimasíðan mín hafi líka verið ljósblá. Dökkgrár er frekar þunglyndur litur eins og frændi minn orðaði það, og síst af öllu vil ég að fólk verði dapurt af því að lesa heimasíðuna mína. Tilgangur hennar er einmitt að fólk komist í gott skap af því að lesa hana! Já, ég held að niðurstaðan sé ljósblár.

Vegna síðustu færslu varðandi lítt þekktar staðreyndir um sjálfa mig þá vil ég skora á Hrefnu, Hildi og Sissu að skrifa a.m.k. fimm staðreyndir um sjálfa sig á bloggsíðurnar sínar, helst lítt þekktar og skemmtilegar Þetta er nefnilega leikur....svona eins og keðjubréf nema bara skemmtilegra!

1.Ég elska sakamálasögur, í formi kvikmynda, sjónvarpsþátta eða bóka skiptir ekki máli.
2.Mér finnst óendanlega gaman að elda og geri það oft mér til skemmtunar ef mér leiðist. Ég nota alltaf hvítlauk þegar ég elda og græt þegar ég sker lauk.
3.Pantaðar pizzur vil ég helst borða með pepperoni og sveppum en heimatilbúnar vil ég fá með skinku og sveppum.
4.Mig langaði að verða listamaður þegar ég var lítil en komst fljótt að því að ég hafði litla hæfileika á því sviði og sneri mér því að öðru. Síðan þá hefur mig langað að verða tónlistarmaður, lögfræðingur, hagfræðingur, markaðsfræðingur, hjálparstarfsmaður, kennari og fræðimaður. Ég endaði sem viðskiptafræðingur...
5.Ég get ómögulega sofið á maganum en sofna yfirleitt á bakinu eða annarri hvorri hliðinni.
6.Vegna mistaka við getnað eru til tvö eintök af mér. Hitt býr í Boston.
7.Ég hef litað hárið á mér svo lengi að ég man ekki hvernig það er á litinn.

Back by popular demand...nýjar myndir að Kristjáni komnar á netið!

Kristján Dagur tekur stórstígum breytingum á hverjum degi. Hann er komið með heilmikið hár (amk miðað við hvernig það var), ein tönn er farin að gægjast upp úr gómnum og svo fann hann upp á nýju hljóði í fyrradag. Hann rymur svona eins og gamall kall í sí og æ og skríkir síðan hástöfum. Síðan er hann farinn að slá dóti í borð og henda því svo niður á gólf. Og stundum getur hann sýnt hvað hann er stór En bara ef Kristján afi spyr hvað hann sé stór. Já, hann Kristján minn er sérvitur, þrjóskur og ákveðinn. Eins gott að halda vel á spöðunum svo hann verði ekki algjör terror þegar hann stækkar!

Mig dreymdi hval í nótt. Ég var stödd úti á landi með fjölskyldu og vinum þegar við sáum hval út af landi. Þetta var stór, svartur hvalur, líklega hrefna eða hnúfubakur. Síðan synti hvalur bara í land. Þá var hann orðinn svo lítill að maður gat haldið á honum. Og hann gat andað á landi. Þegar hvalurinn var svona lítill var hann bleikur á litinn og frekar ljótur. Minnti á eitthvað úr X-Files með hvítar skögultennur og tungu eins og snákur. Síðan þurftum við að skila hvalnum aftur í sjóinn vegna þess að það var að fjara út. Fjaran þar sem við skiluðum hvalnum leit út eins og munnur á hval. Frekar súrrealískur draumur. Annars fékk ég að sofa út í nótt, eða mér finnst eins og það sé að sofa út. Kristján vaknaði nefnilega ekki fyrr en klukkan 5 til þess að fá að drekka. Ég vaknaði hins vegar korteri fyrr og hélt að það hlyti að vera eitthvað að fyrst Kristján væri ekki vaknaður Talandi um móðursýki...

Við Jón Árni fórum á skómarkað UN Iceland og gerðum góð kaup. Keyptum þrenn pör af skóm á samtals 1.500 kr. Geri aðrir betur. Ég keypti mér hvíta skó með rauðu í en var reyndar að leita mér að svörtum götuskóm. En fyrir 500 kr. þá hefði ég keypti köflótta skó! Svo keyptum við eitt par fyrir Kristján sem hann getur reyndar ekki notað fyrr en eftir nokkur ár. Vonandi munum við eftir því að láta hann nota skóna Af Kristjáni er það annars að frétta að hann er orðinn mjög duglegur að sitja og velta sér. Næsta skref fyrir drenginn er bara að byrja að skríða Hann borðar líka alltaf meira og meira á hverjum degi. Gaf honum sveskjumauk í dag og honum fannst það bara ekkert svo vont. En hann er hins vegar í liði með móður sinni þegar kemur að bönunum og finnst þeir viðbjóðslegir! Svo er eitthvað að birta til í daggæslumálum, við förum á morgun að tala við dagmömmu í Laugarneshverfinu og vonandi gengur það vel.

Ég sá að netinu að Hildur var búin að setja inn mynd af gjöfinni sem hún keypti handa Snædísi fyrir hönd saumaklúbbsins. Allar að kíkja! Slóðin á heimasíðuna hennar er í tenglunum mínum. Tilkynningu lokið.

Veit svo sem ekki hvað ég ætla að skrifa um. En langar að skrifa eitthvað...helst í fréttum er að Sissa er farin aftur út til Boston. Kemur ekki heim fyrr en um jólin. Það er svo langt þangað til!!! javascript:editor.insertHTML(''); Þá verður Kristján farin að skríða bara! Annars var voða gaman um helgina. Ingibjörg og Hörður komu í mat og við spiluðum Trivial Persuit með spurningum úr Friends spilinu. Ótrúlega gaman og við Ingibjörg létum ljós okkar skína með kunnáttu okkar um Vinina. Síðan var afmæli hjá Erlu á sunnudagskvöld og þar var sko almennilegar veitingar og Erla búin að skreyta eins og henni einni er lagið. Í dag ætlum við Jón Árni svo að halda áfram að reyna að finna dagmömmu eða leikskóla fyrir Kristján. Óskið okkur góðs gengis og ef þið heyrið af einhverju sem er laust endilega látið okkur vita!